കട്ടപ്പന വിദ്യാഭ്യാസ ഉപജില്ലാ സ്‌കൂള്‍ കലോത്സവം
കട്ടപ്പന വിദ്യാഭ്യാസ ഉപജില്ലാ സ്‌കൂള്‍ കലോത്സവം 8,13,14,15 തീയതികളിൽ
മേരികുളം സെന്റ് മേരീസ് ഹയര്‍ സെക്കന്‍ഡറി സ്‌കൂളില്‍ നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു.
8ന് രാവിലെ 9.15 മുതല്‍ രചനാമത്സരങ്ങള്‍ ആരംഭിക്കും. 11ന് രാവിിെ 10 മുതല്‍ മാട്ടുക്കട്ടയില്‍ നിന്ന് മാരത്തന്‍ വിളംബരഓട്ടം നടക്കും. 12ന് രാവിലെ 10 ന് മരിയന്‍ സ്‌കൂളില്‍ നിന്ന് സാംസ്‌കാരിക ഘോഷയാത്ര, 11.30ന് ജില്ലാ പഞ്ചായത്ത് പ്രസിഡന്റ് കെ ടി ബിനു കലോത്സവം ഉദ്ഘാടനം ചെയ്യും. അയ്യപ്പന്‍കോവില്‍ പഞ്ചായത്ത് പ്രസിഡന്റ് ജയ്‌മോള്‍ ജോണ്‍സണ്‍ അധ്യക്ഷയാകും. 13, 14, 15 തീയതികളില്‍ കലാമത്സരങ്ങള്‍ നടക്കും.
15ന് വൈകിട്ട് നാലിന് സമാപന സമ്മേളനം വാഴൂര്‍ സോമന്‍ എംഎല്‍എ ഉദ്ഘാടനം ചെയ്യും. മത്സരങ്ങളില്‍ പങ്കെടുക്കുന്ന കുട്ടികള്‍ക്ക് കലോത്സവത്തിന്റെ ഒരുക്കങ്ങളെല്ലാം പൂര്‍ത്തിയായതായി ഭാരവാഹികള്‍ പറഞ്ഞു. വാര്‍ത്താസമ്മേളനത്തില്‍ മാര്‍ട്ടിന്‍ ജോസഫ്, ജോയ്‌സ് ജോസഫ്, സുബിത എ ജോര്‍ജ്, എഇഒ കെ കെ യശോധരന്‍, മനോജ് കുമാര്‍ എന്നിവര്‍ പങ്കെടുത്തു.
