വിദ്യാഭ്യാസ അവാര്‍ഡ് വിതരണം 22 ന്
കര്‍ഷകതൊഴിലാളി ക്ഷേമനിധിബോര്‍ഡില്‍ അംഗങ്ങളായ കര്‍ഷകതൊഴിലാളികളുടെ മക്കളില്‍ 2023-2024 അധ്യയന വര്‍ഷം എസ്.എസ്.എല്‍.സി/ പ്ലസ് ടുപരീക്ഷകളില്‍ ഉന്നത വിജയം നേടിയ വിദ്യാര്‍ത്ഥികള്‍ക്കുള്ള വിദ്യാഭ്യാസ അവാര്‍ഡ് , വിവിധ ആനുകൂല്യങ്ങള്‍ എന്നിവ ഒക്ടോബര്‍ 22 ന് വിതരണം ചെയ്യും. തടിയമ്പാടുള്ള ഇടുക്കി ബ്ലോക്ക് പഞ്ചായത്ത് ഹാളില്‍ രാവിലെ 11.30 ന് നടക്കുന്ന പരിപാടി ബോര്‍ഡ് ചെയര്‍മാന്‍ എന്‍. ചന്ദ്രന്‍ ഉദ്ഘാടനം ചെയ്യും. ക്ഷേമനിധി ബോര്‍ഡ് ഡയറക്ടമാര്‍, ത്രിതല പഞ്ചായത്ത് പ്രതിനിധികള്‍, വിവിധ കര്‍ഷകതൊഴിലാളി യൂണിയന്‍ ഭാരവാഹികള്‍ തുടങ്ങിയവര്‍ പങ്കെടുക്കും.
ജില്ലയില്‍ നിന്നും ഉന്നതവിജയം നേടിയ 228 കുട്ടികള്‍ക്ക് ആറുലക്ഷത്തി എണ്‍പത്തിയെണ്ണായിരം രൂപ വിതരണം ചെയ്യും. ഇടുക്കി ബ്ലോക്ക് പഞ്ചായത്ത് പ്രസിഡന്റ് ആന്‍സി തോമസ് ,വാഴത്തോപ്പ് ഗ്രാമപഞ്ചായത്ത് പ്രസിഡന്റ് ജോര്‍ജ്ജ് പോള്‍, ജില്ലാ പഞ്ചായത്ത് മെമ്പര്‍ കെ.ജി സത്യന്‍ തുടങ്ങിയവര്‍ പങ്കെടുക്കും.
