Idukki വാര്‍ത്തകള്‍കേരള ന്യൂസ്പ്രധാന വാര്‍ത്തകള്‍പ്രാദേശിക വാർത്തകൾ
സഞ്ചരിക്കുന്ന റേഷൻ കടകളുടെ ഉദ്‌ഘാടനം മന്ത്രി ജി ആർ അനിൽ നാളെ ( ഒക്ടോബർ 5 ) നിർവഹിക്കും
വിദൂരസ്ഥലങ്ങളിലെ ആദിവാസികൾക്കായി സഞ്ചരിക്കുന്ന റേഷൻ കടകൾ വരുന്നു. ഉടുമ്പൻചോല താലൂക്കിൽ ശാന്തൻപാറ ഗ്രാമപഞ്ചായത്തിലെ ആടുവിളന്താൻകുടി, ശങ്കരപാണ്ഡ്യൻമെട്ട് ,ദേവികുളം താലൂക്കിൽ നല്ലതണ്ണി, കടലാർ, നയമക്കാട് പ്രദേശങ്ങളിലേക്കുമാണ്പുതുതായി സഞ്ചരിക്കുന്ന റേഷൻ കടകൾ ആരംഭിക്കുന്നത്. ഉദ്‌ഘാടനം ഭക്ഷ്യപൊതുവിതരണ വകുപ്പ് മന്ത്രി ജി.ആർ.അനിൽ നാളെ ( ഒക്ടോബർ 5 ) നിർവഹിക്കും. ദേശീയ ഭക്ഷ്യഭദ്രതാ നിയമം ഫലപ്രഥമായി നടപ്പാക്കുന്നതിന്റെ ഭാഗമായിട്ടാണ് പദ്ധതി നടപ്പാക്കുന്നത് .
ഉടുമ്പൻചോല താലൂക്കിലെ പരിപാടി പന്നിയാറിൽ രാവിലെ 10.30ന് എം.എം.മണി എം.എൽ.എ യുടെ അധ്യക്ഷതയിൽ നടക്കും. ദേവികുളം താലൂക്കിൽ ഉച്ചയ്ക്ക് 2 ന് അഡ്വ.എ.രാജ എം.എൽ.എയുടെ അധ്യക്ഷതയിൽ നയമക്കാട് ചേരും .
