കലാകേരളത്തിന് തീരാനഷ്ടമായി കെ.സി ജോർജിൻ്റെ വേർപാട്

രണ്ട് തവണ സംസ്ഥാന അവാർഡ് കരസ്ഥമാക്കിയ നാടക രചയിതാവ് കട്ടപ്പന കുമ്പുക്കൽ കെ.സി ജോർജി (51)ൻ്റെ വേർപാട് കലാകേരളത്തിന് തീരാനഷ്ടമായി. രോഗബാധയെ തുടർന്ന് ചികിത്സയിലിരിക്കെയായിരുന്നു മരണം. സംസ്ഥാന സർക്കാരിൻ്റെ ഈ വർഷത്തെ പ്രൊഫഷണൽ നാടക വിഭാഗത്തിലെ മികച്ച നാടക രചയിതാവിനുള്ള അവാർഡ് കരസ്ഥമാക്കിയിരുന്നു. കായംകുളം ദേവാ കമ്മ്യൂണിക്കേഷൻസിൻ്റെ ചന്ദ്രികാവസന്തം എന്ന നാടകത്തിനായിരുന്നു അവാർഡ്. 2010 ൽ കോഴിക്കോട് സാഗർ കമ്മ്യൂണിക്കേഷൻസിൻ്റെ കുമാരൻ ഒരു കുടുംബനാഥൻ എന്ന നാടകത്തിനും മികച്ച നാടക രചയിതാവിനുള്ള സംസ്ഥാന അവാർഡ് കെ.സി ജോർജ് കരസ്ഥമാക്കിയിരുന്നു. അന്തരിച്ച നാടകനടൻ എം.സി കട്ടപ്പനയാണ് നാടകത്തിൻ്റെ ബാലപാഠങ്ങൾ പകർന്ന് നൽകിയത്. സംസ്കാരം 25.9.24 ന് 4 ന് വള്ളക്കടവ് സെന്റ് ആന്റാണീസ്ദേവാലയ സെമിത്തേരിയിൽ. ഭാര്യ ബീന മക്കൾ: ജെറോം, ജെറിറ്റ്.